Վարքագիծը անտառում
Ի՜նչ հաճելի է զբոսնել անտառում կամ ընկերների հետ արշավ գնալ: Ինչքան հետաքրքրություն կա այդ ամենում՝ կարող ես տարբեր ծառեր ու ծաղիկներ տեսնել, լսել թռչունների երգը: Բայց զգուշացիր …
Գիշատիչ կենդանիներ դժվար թե տեսնես: Նրանք հեռու են մնում այն վայրերից, որտեղ մարդիկ են լինում: Բայց կան փոքրիկ միջատներ, որոնք կարող են մեծ անհանգստություն պատճառել: Եվ կարևորը՝ անտառում հեշտ է մոլորվել: Եվ որպեսզի արշավից միայն լավ հիշողություններ մնան, հիշիր մի քանի կարևոր կանոն:
Միջատների խայթոցներից պաշտպանվելը բարդ չէ: Առաջին հերթին հագիր փակ հագուստ և մոռացիր կիսաթև շապիկի, տոպի և հողաթափերի մասին: Անտառի համար կատարյալ հագուստ է տաբատը, երկարաթև վերնաշապիկը, գլխարկը և սպորտային փակ կոշիկները: Երկրորդ՝ հարկավոր չէ կիրառել միջատներին վախեցնող միջոցներ: Հատուկ քսուկները հարկավոր է նախապես գնել և դեղատներից:
Նախքան անտառ ուղևորվելը, մեծերին հայտնեք, թե ուր եք գնում, ում հետ և որքան ժամանակով: Սա այն հիմնական կանոնն է, որը կիրառվում է բոլոր տեսակի արշավների ժամանակ: Եթե նշված ժամում չվերադառնաս, քեզ կսկսեն փնտրել: Հիշիր այս մասին:
Եթե հասկացել ես, որ մոլորվել ես, կանգնիր և հանդարտվիր: Հանդարտվելու լավագույն միջոցը ծառին գրկելն է: Հիշիր, որտեղ և ինչպես էիր քայլում: Չի բացառվում, որ երբ դադարես խշշացնելով քայլել և այս ու այն կողմը ընկնել, փրկարար ձայներ կլսես, որոնք կվկայեն մոտակայքում մարդ լինելու մասին: Փորձիր բարձր ձայնով դեպի քեզ ուշադրություն գրավել: Եթե ոչ ոք չի արձագանքի, մնա նույն տեղում: Հավատա, օգնությունն արդեն ճանապարհին է:
Անտառի մեծագույն թշնամին հրդեհն է: Այդ իսկ պատճառով հրդեհավտանգ շրջանում և քամոտ եղանակին չի կարելի կրակ վառել: Եվ երբեք առանց հսկողության մի թողեք չմարած կրակը: Գնալուց հարկավոր է այն հանգցնել՝ վրան ջուր լցնել կամ ծածկել հողով:
Խնամքով վերաբերվեք բնությանը և նրա բնակիչներին.
* մի քանդիր թչունների և մրջյունների բույնը, մի վնասիր մորեխներին և թիթեռներին,
* կենդանիների ձագուկներին տուն մի տար,
* անսահման ծաղիկ մի քաղիր,
* ապակի մի ջարդիր:
Ձեռք չտալ և չհամտեսել սունկ և հատապտուղներ:
Անտառում երբեք աղբ մի թողեք: Հավաքեք այն և տարեք ձեզ հետ՝ թափեք աղբարկղ: Եթե աղբը վերցնելու հնարավորություն չկա, ապա պետք է հողը փորել, աղբը լցնել մեջը և հողով ծածկել, այն էլ պետք է հաշվի առնել, որ ամեն աղբ չէ, որ կարելի է հողի մեջ թողնել:
Հենց այս ամենն էլ երեխաների հետ սովորում ենք մեր դասերի շրջանակում՝ առավել խորացված և մանրամասն։ Այս ոչ ֆորմալ կրթությունն օգնում է երեխաների արշավների ժամանակ ճիշտ վարքագիծ դրսևորել։