Տեսադարան - 4Peaks

Գլխավոր
Մենք
Լեռնագնացություն
Դասընթացներ
- Տեսական դասեր
- Գործնական դասեր
Բլոգ
Տեսադարան
Հետադարձ կապ

Գլխավոր
Մենք
Լեռնագնացություն
Դասընթացներ
- Տեսական դասեր
- Գործնական դասեր
Բլոգ
Տեսադարան
Հետադարձ կապ

Տեսադարան

Գլխավոր
-
Տեսադարան

4Peaks

ՀՀ, ք․ Երևան, Արցախ 1
+374 55 934444
info@4peaks.am

Արշավներ

Ահա և մեր Անին․ Անին
21 Մարտի 2025
Միշտ փորձում ենք խրախուսել երեխաներին
14 Մարտի 2025
«Բարձունքի հաղթահարման ուղի» միջոցառման ժամանակ
14 Մարտի 2025

Նկարներ

Ինստագրամ

4_peaks_alpine_club

Լեռնային ակումբ 4-14 տարեկան երեխաների համար.
ոչ ֆորմալ կրթություն
լեռնային վերելքներ
քայլարշավներ
ճամբարներ
+37455934444

«4 Գագաթի» տարբեր սերունդնե

«4 Գագաթի» տարբեր սերունդներ՝ սկսած առաջին խմբից ․․․

կամ

9 տարին մեկ կադրում ․․․

Այս պատանիները «4 Գագաթ»-ի հետ իրենց ճանապարհորդությունը սկսեցին որպես փոքրիկ արշավականներ՝ լեռներում իրենց առաջին քայլերը կատարելով։ Տարիները շատ արագ անցան, և նրանք ոչ միայն հաղթահարեցին բարձունքներ, այլև կերտեցին իրենց իսկ ապագան։

Այսօր նրանք արդեն կայացած, նպատակասլաց երիտասարդներ են՝ լի ուժով, գիտելիքներով և հուսանք, արշավների հանդեպ երբեք չմարող սիրով։ Լեռները նրանց սովորեցրին համառություն, թիմային աջակցություն ու բնության հետ ներդաշնակ ապրել, որը կօգնի նաև կյանքի տարբեր բնագավառներում։

Այս ճանապարհը երկար է՝ նոր բարձունքներով ու հաղթանակներով։ ❤️⛰️

Երեխաների հետ սառցամագլցու

Երեխաների հետ սառցամագլցում Միժիրգի սառցադաշտում 🏔

Երեխաների զբաղվածությունը

Երեխաների զբաղվածությունը ճիշտ պլանավորելու համար նախապես Ձեզ ծանոթացնենք ապրիլ ամսվա արշավներին 🌿

2025թ․-ի առաջին եռամսյակի արդյունքներով Նարեկն ամենակտիվ արշավականն է։
2025թ․-ի հունվարից մինչև մարտի 31-ը մասնակցել է ինը արշավի․

1․ Աղավնո լեռ,
2․ Շարայի լեռ,
3․ Ոջլոտ լեռ,
4․ Քասաղի կիրճ,
5․ Խաչաղբյուրի կիրճ՝ գիշերակաց Լաստիվերի քարանձավում,
6․ Սրվեղի վանք,
7․ Տափի բերդ
8․ Գեղարդաձորի քարանձավ,
9․ Լեռնանիստ

Որոշել է, որ մինչև տարվա վերջ պետք է պահի այս արդյունքը ))։

Իհարկե այս արդյունքն ինչքան Նարեկինն է, այնքան էլ իրեն ուղեկցող Բլինչիկինը։ Իսկ եթե գլխի չընկաք, թե ո՞վ է Բլինչիկը, ապա հուշենք, որ նա էլ նկարում կա։

Հաջողություն Նարեկին, և հուսանք, որ Նարեկի օրինակը մոտավիացնող կլինի նաև այլ երեխաների համար, ովքեր պլանավորում են արշավների մասնակցել, բայց այդպես էլ չեն մասնակցում։

Ինչպես նշել էինք հրապարակումներից մեկում, մենք փորձում ենք խրախուսել երեխաներին ոչ միայն իրենց քայլարշավներին և լեռնային վերելքներին ակտիվ մասնակցության, ցուցաբերած կամքի և դիմացկունության համար, այլև՝ նրանց այլ առանձնահատկությունների և դրական հատկանիշների համար։ Հենց այս նպատակով էլ «Բարձունքի հաղթահարման ուղի» միջոցառման ժամանակ Մայա Մոսիկյանին հանձնվեց «Անպարտելի Լեռնային Դարպասապահ» անվանակարգի հավաստագիր՝ հետևյալ բովանդակությամբ․

«Սույնով հավաստվում է, որ Մայա Մոսիկյանը հանդիսանում է «4 գագաթ լեռնային ակումբի» ամենահուսալի դարպասապահը, ով կարող է պաշտպանել ոչ միայն ֆուտբոլային դարպասը, այլև արշավային խումբը՝ քամուց, ձնից, քարաթափումներից ու նույնիսկ մոլորված արջերից։ Ցածր թթվածնային գոտում ցուցադրել է արագ ռեակցիա, երկաթյա նյարդեր և կատվի ճարպկություն։
«Անպարտելի Լեռնային Դարպասապահ» անվանակարգի հավաստագիրը շնորհվում է Մայա Մոսիկյանին՝ նրա անվրեպ ռեֆլեքսների, թիմային ոգու և արշավային ֆուտբոլի պատմության մեջ թողած լեգենդար ներդրման համար»։

Բոլոր խաղերի նույնիսկ ամենաթեժ պահերին՝ լիներ դա Գեղամա լեռներում 3000մ բարձրության վրա, թե After Hiking նախածի շրջանակում կազմակերպված ֆուտբոլային առաջնություն, Մայան մեղմ ժպտում էր։

30․03․2025թ․-ին գնում ենք յուրահատուկ, ինչու ոչ նաև «տհաճություն» առաջացնող անունով մի գագաթ, որը գտնվում է Լոռու մարզում։ Ոչ ավել, ոչ պակաս՝ Ոջլոտ լեռը։ Այս լեռը Բազումի լեռների ճյուղավորումներից՝ Չքնաղի լեռների գագաթներից է։ Ունի 2159մ բարձրություն։ Արշավը կսկսենք Գոգարան գյուղից և այստեղ էլ կավարտենք։ Արշավին կարող են մասնակցել բոլոր երեխաները։

Երթուղու երկարությունը՝ 5 կմ
Հարաբերական բարձրությունը՝ 300մ

Ինչպես պատրաստվել արշավին.

1․ ձմեռային գլխարկ,
2. ձեռնոց,
3․ արևապաշտպան կրեմ,
4․ ակնոց,
5. հագնել երկարաթեև վերնահագուստ,
6․ ունենալ 2 շերտ հագնելու հագուստ՝ ժակետ և բաճկոն, ըստ անհրաժեշտության բարակ կամ հաստ հագնելու համար,
7․ հագնել սպորտային շալվար /ոչ ջինս/,
8․ հաստ տակացուով ձմեռային կոշիկ, հնարավորինս ջրակայուն,
9․ անձրևապաշտպան թիկնոց,
10. զանգապան,
11․ ձեռնափայտ, եթե ունեք,
12․ ջուր 1,5լ,
13․ սնունդ,
14․ փոխնորդ կոշիկ և գուլպաներ,
15. այս ամենը դնում ենք ուսապարկի մեջ,
16. տոպրակ՝ սեփական աղբը (կոնֆետի թղթեր, դատարակ անձեռոցիկի տուփեր, օգտագործված խոնավ անձեռոցիկ) մեջը դնելու համար։

Մասնակցության արժեքը՝ 9000 դրամը,

Հանդիպման վայրը՝ Մատենադարանի ներքևում, Մաշտոցի Պողոտա

Մեկնելու ժամը՝ 7:45

Վերադարձի մոտավոր ժամը՝ 18:00-19։00

Մասնակցությունը հաստատելու համար.
1. զանգահարել +37455934444 հեռախոսահամարին,
2. լրացնել տեղեկացում/համաձայնության հետևյալ հղումը՝ https://4peaks.am/terms-and-conditions/
3. կատարել փոխանցում Նարինե Ճաղարյանի անվամբ 220480308513000 հաշվեհամարին («ԱԿԲԱ ԲԱՆԿ» ԲԲԸ):

Եղանակային անընդմեջ փոփոխո

Եղանակային անընդմեջ փոփոխություններով գիշերակաց Լաստիվերի քարանձավում

Ահա և մեր Անին

Անին այն մ

Ահա և մեր Անին 🩷

Անին այն մայրիկներից է, ում նայելով հասկանում ես՝ հնարավոր է համատեղել մայրությունը, ակտիվ ապրելակերպը և բնության հանդեպ սերը։ Չորս երեխա ունենալով՝ նա ժամանակ ու էներգիա գտավ, որ իր երեխաների հետ մասնակցի արշավի։
Ամբողջ արշավի ընթացքում փոքրիկ Ագապիին էսպես գրկած քայլեց, հա, մեջքին էլ ուսապարկ։ Երբ խոսք էինք բացում ուսապարկը վերցնելու մասին, ասում էր՝ չէ, թեթև է, հարմար է։ Բայց դե հո մենք գիտենք, որ առանց ուսապարկ ավելի թեթև ու հարմար կլիներ։ Անիի և Վահեի չորս երեխաներից երեքը արշավների վաղուց են գալիս, իսկ սա Ագապիի առաջին փորձն էր՝ մայրիկի ապահով գրկում։

Նրա ներկայությունը արշավներում օրինակ է մյուս ծնողների համար՝ ցույց տալով, որ մայրիկ լինելը երբեք խոչընդոտ չէ արկածներին ու ընտանիքով անցած գեղեցիկ ուղիներին։

Իսկ երբ նայում ես Անիին արշավի ընթացքում՝ երեխան ձեռքին, իսկ մյուսը կողքին քայլելիս, հասկանում ես՝ նա իր օրինակով մեծացնում է բնության գիտակից պաշտպաններ և ուժեղ անհատներ։

Միշտ փորձում ենք խրախուսել

Միշտ փորձում ենք խրախուսել երեխաներին ոչ միայն իրենց քայլարշավներին և լեռնային վերելքներին ակտիվ մասնակցության, ցուցաբերած կամքի և դիմացկունության համար, այլև նրանց այլ առանձնահատկությունների և դրական հատկանիշների համար։ «Բարձունքի հաղթահարման ուղի» միջոցառման ժամանակ հենց այսպիսի հավաստագրեր հանձնեցինք երեխաներին, ինչը լայն ժպիտ էր առաջացրել ոչ միայն նրանց, այլև հանդիսատեսի դեմքին։

Մարիա Մերաբյանը և Սարգիս Անանայանը ստացան «Ամենաշատ մտածելու տեղիք տվող արշավական» անվանակարգի հավաստագրեր՝ հետևյալ բովանդակությամբ․

«Սույնով հավաստվում է, որ (անուն, ազգանուն) հանդիսանում է «4 գագաթ լեռնային ակումբի» ամենահետաքրքրասեր արշավականը, ով յուրաքանչյուր արշավի ընթացքում իր անսպառ հարցերով խմբի ուղեկցորդներին ստիպում է կենտրոնացնել ուշադրությունը, մարզել մտավոր կարողությունները և երբեմն ստիպում ուղեցորդներին Google-ի կարիք զգալ և շարժել երևակայությունը։
Հարցերի միջին արագությունը – 10 հարց րոպեում․
Հարցերի ռեկորդային քանակը – հաշվարկը դեռ շարունակվում է․
Հատուկ հարցերի օրինակ - «Այս քարերը քանի տարեկան են․․․ կարո՞ղ ենք քնած հրաբուխին արթնացնել, եթե բարձր գոռանք ․․․ իսկ եթե անձրև գա, բայց արև լինի, մենք կշոգե՞նք, թե՞ կմրսենք ․․․ Իսկ մենք խմբով ե՞րբ ենք Էվերեստ բարձրանալու ․․․»։
«Ամենաշատ մտածելու տեղիք տվող արշավական» անվանակարգը շնորհվում է «անուն, ազգանուն»՝ ցանկանալով, որ երբեք չդադարի հարցեր տալ, բացահայտել աշխարհը և բարձրանալ նորանոր գագաթներ»։

Load More Հետևեք մեզ Ինստագրամում

© 4Peaks.am - Բոլոր իրավունքները պաշտպանված են։

WhatsApp us