Գայլեձորին մոտ - 4Peaks

Գլխավոր
Մենք
Լեռնագնացություն
Դասընթացներ
- Տեսական դասեր
- Գործնական դասեր
Բլոգ
Տեսադարան
Հետադարձ կապ

Գլխավոր
Մենք
Լեռնագնացություն
Դասընթացներ
- Տեսական դասեր
- Գործնական դասեր
Բլոգ
Տեսադարան
Հետադարձ կապ

Գլխավոր
-
Galleries
-
Գայլեձորին մոտ

Գայլեձորին մոտ

peaksam 15 Հունվարի, 2019

4Peaks

ՀՀ, ք․ Երևան, Արցախ 1
+37455934444
info@4peaks.am
https://4peaks.am/

Արշավներ

Լոռու մարզը լավագույնս է նկարագրում
17 Նոյեմբերի 2024
Այս կիրակի՝ 17.11.2024թ.-ին գնում ենք
12 Նոյեմբերի 2024
24.11.2024թ.-ին կրկին գնում ենք դեպի
11 Նոյեմբերի 2024

Նկարներ

Ինստագրամ

4_peaks_alpine_club

Լոռու մարզը լավագույնս է նկ

Լոռու մարզը լավագույնս է նկարագրում Հայաստանի չքնաղ բնությունը։ Եվ պատահական չէ, որ շատ հայտնի բանաստեղծներ (օր.` Թումանյան) և նկարիչներ (օր.` Սարյան) լոռվա բնությամբ ոգեշնչվել և արարել են գրականության ու արվեստի գործեր։ Կիրակի օրը հենց Լոռի գնացինք` անցնելով տարբեր եղանակային գոտիներով։ Լոռին սկզբում դիմավորեց ձնածածկ լեռներով և ճանապարհներով, հետո աստիճանաբար հայտնվեցինք ոսկեգույն աշնան մեջ՝ վարուցանքից զարդարված գորգով ծածկված դաշտերում։ Նպատակ ունեինք Սուրբ Սարգիս լեռը (1569մ) բարձրանալ, որը գտնվում է Վարդաբլուր գյուղում։ Եթե ծանոթ եք Լոռու մարզին, ապա կհամաձայնեք, որ այստեղի բարբառը մի այլ համուհոտ ունի։ Երբ դեռ Վարդաբլուր գյուղից նոր պատրաստվում էինք քայլել, երեխաներից մեկի պապիկը հարցրեց՝ իծաշարուկի՞ եք քայլելու: Սկզբում չհասկացանք, թե ինչի մասին է խոսքը, մինչև որ բացատրեց, որ խոսքը շարքով քայլելու մասին է: Եվ մեր արդեն իսկ բարձր տրամադրությունն այս նոր բացահայտումից ավելի բարձրացավ և սկսեցինք քայլել:
Քայլեցինք Սուրբ Սարգիս լեռան շուրջ և վերելք կատարեցինք Սուրբ Սարգիս լեռան գագաթ, որտեղ տեղավորված են Կիկլոպյան ամրոցն ու համանուն մատուռը: Գագաթին նաև նավակ կա, ինչը մեր երևակայությունը շարժեց, և սկսեցինք վարկած առաջ քաշել, որ սա է Նոյան տապանը, որը կանգ է առել ոչ թե Արարատի, այլ` Սուրբ Սարգիս լեռան գագաթին))։ Գագաթից տեսարան էր բացվում դեպի կապույտ երկնքով լցված ձորերն ու կիրճերը, գորգագործ դաշտերը, որտեղ մահակին հենված հովիվը հետևում էր դաշտով մեկ շաղ եկած ոչխարներին:
Վերելքից հետո տեղավորվեցինք Վարդաբլուրի լճերի մոտ, խարույկ վառեցինք, խաղեր խաղացինք և ձկնորսություն արեցինք` առանց ձուկ բռնելու արդյունքի:
Գեղեցիկ օրը վայելելուց բացի քայլեցինք 7.5կմ և հաղթահարեցինք 270մ հարաբերական բարձրություն:

10.11.2024թ.-ին Արարատի մարզում էինք: Այս անգամ ծրագրել էինք միանգամից հինգ գագաթ բարձրանալ և մեզ հաջողվեց իրագործել ծրագիրը: Սկսեցինք քայլել Լանջառ և Լուսաշող գյուղերի մոտակայքից և արշավն ավարտեցինք Ուրցալանջ գյուղի մոտ: Երկինքն անամպ էր, թեև հեռվում մշուշ կար: Չնայած մշուշին՝ Արարատն իր բարձունքից շատ գեղեցիկ էր երևում՝ ասես հենված լիներ փոքր լեռների վրա:
Առաջինը բարձրացանք Առյուծ (Ասլանասար) լեռը, որն ունի 2157մ բարձրություն: Այստեղ անակնկալ ձևով շնորհավորեցինք ընկ. Նորայրի ծննդյան օրը, փչեցինք տոնական տորթի մոմերը ու շարունակեցինք քայլել դեպի մյուս գագաթներ: Մեծ ոգևորությամբ, համով զրույցներով ու կատակներով հասանք նաև Ձնծաղիկ (2202մ), Գոսաբլուր (2419մ), Մեծսայլ (2302մ) և Երիցասար (2149մ) լեռների գագաթներ: Ամբողջ ընթացքում բարձր տրամադրություն ունեինք. շատ ուրախ արշավ ստացվեց: Իսկ վերադարձին դեպի մայրամուտ գնացող արևը իր ծիրանագույնով էր ողողել բնությունն ու մեզ, հնձած արտերն էլ ավելի էին ընդգծում երեկոյի գեղեցկությունը:
Քայլեցինք 14 կմ և հաղթահարեցինք 700մ հարաբերական բարձրություն, եղանք 5 գագաթների վրա, տեսանք գեղեցիկ բնապատկերներ և մայրամուտ, ջերմ և ուրախ օր վայելեցինք, ֆիզիկապես ամրացանք, համբերություն, կամք և դիմացկունություն կոփեցինք…

One love 🧡 #4peaks #alpineclub #armenia

One love 🧡 #4peaks #alpineclub #armenia

Շաբաթ օրը այս հրաշք երեխանե

Շաբաթ օրը այս հրաշք երեխաները (26-րդ խումբ) իրականացրեցին իրենց առաջին արշավը` վերելք կատարելով Ապակեքար լեռ։ Բոլորը մեծ ոգևորությամբ քայլեցին 8կմ և հաղթահարեցին 400մ հարաբերական բարձրություն։ Հինգ ամիս տևող դասերից մեկ ամիս ու կեսն անցնելուց հետո կրկին քննության լեռը բարձրացանք )), և հերթական անգամ բոլորը բարեհաջող անցան քննությունը։ Արդեն գիտենք բոլորի բնավորության առանձնահատկությունները, ֆիզիկական հնարավորությունները, վախերը, ինչը կօգնի ճիշտ մոտեցում ցուցաբերել արշավների ժամանակ։
Եկող շաբաթվանից նրանք էլ կմիանան մեր մեծ խմբին` ամեն կիրակին դարձնելով գեղեցիկ հուշերի աղբյուր 🤗
Մեզ բարի երթ դեպի բնության կախարդական աշխարհ 🍂

Ցիցքար Ձորագետի կիրճի (նաև

Ցիցքար
Ձորագետի կիրճի (նաև Արևածագի ձոր) այցեքարտերից 🩵

Ուշացումով կիսվենք նաև Գնիշիկ լեռան (2509մ) վերելքի նկարներով և կարճ նկարագրով։
Առավոտյան, երբ դեռ մեքենայով ճանապարհն էինք անցնում, Արարատն երևում էր իր բոլոր ակոսներով, ստվերներով ու փայլող ձյան շերտով։ Ոգևորված էինք, որ Գնիշիկ լեռան գագաթից ավելի պատկերավոր կերևա Արարատը, բայց ցավոք այդպես չեղավ։ Թեև երկինքը պարզ-պարզ էր, մինևնույն է Արարատը ամպեր հավաքեց իր շուրջը։ Դե իհարկե դա մեզ չխանգարեց լավ օր անցկացնել երեխաների հետ։ Քայլեցինք 9կմ և հաղթահարեցինք 600մ հարաբերական բարձրություն։

Արևածագի ձոր #4peaks #4peaksalpineclu

Արևածագի ձոր #4peaks #4peaksalpineclub #alpineclub #nature

Մեր Մայան` ներքին և արտաքին

Մեր Մայան` ներքին և արտաքին գեղեցկությամբ քնքուշ մի աղջիկ, ով օրեր առաջ հասավ Անապուրնայի բազային ճամբար (4130մ)։
Այստեղ հասնելը հեշտ բան չէ, օրեր շարունակ անցնում ես երկար կիլոմետրեր, բարձրություններ հաղթահարում, որպեսզի կարողանաս տեսնել աշխարհի ամենադժվարամատչելի և մահացու վտանգներով լի գագաթներից մեկը` Անապուրնան (8091մ)։
Երբ Մայայի մայրիկը հարցնում էր` կարո՞ղ է արդյոք Մայան հաղթահարել այս դժվարությունները, պատասխանը մեկն էր` իհարկե։
Այդպես էլ եղավ, ավելին, @armenian_geographic -ի (այս ակումբի հետ է գնացել Մայան) ղեկավարն ասում է` Մայան վերջն է, բոլորիցս ամենապինդ է ...
Մայա ջան, շնորհավորում ենք 🇦🇲
Թող քո կյանքում շատ վերելքներ լինեն, որոնք դու կհաղթահարես ու կհասնես քո ցանկալի բարձունքին։ Հիանալու և ոգեշնչվելու օրինակ։
Իսկ Մայան ընդամենը 13 տարեկան է 🩵

13.10.2024թ.-ին մեզ համար բացահայտեցինք Նոր եղցի կամ Խամշի վանքը: Այն գտնվում է Գեղարքունիքի մարզում: Շատերի համար Գեղարքունիքի մարզը չի ասոցացվում անտառապատ տարածքների հետ, բայց արի ու տես, որ այս մարզում գեղեցիկ անտառներ ևս կան: Խամշի վանք տանող ճանապարհն անցնում է անտառով, որն այս օրերին գեղեցիկ աշնանային գույներով է ներկված: Ոտքերի տակ խշխշոցով, անտառի բույր շնչելով, աչքերի մեջ բազմապիսի գույներով հասանք վանք: Խամշի վանքը միջնադարյան Հայաստանի Ուտիք նահանգի Միափոր գավառի ամենանշանավոր վանական համալիրներից մեկն էր: Վանքը հիմնադրվել է 9-10-րդ դարերում և գոյատևել մինչև 13-րդ դարի կեսերը: 12-13-րդ դարերում Խամշի վանքը հանդիսացել է Աղվանից կաթողիկոսների նստավայրը: Համաձայն 13-րդ դարի նշանավոր պատմիչ Կիրակոս Գանձակեցու՝ Խամշի վանքն առաջին անգամ ավերածությունների է ենթարկվել 1231 թ. Խորեզմի թագաժառանգ Ջալալեդդինի ավերիչ արշավանքների ժամանակ: Աղվանից կաթողիկոսության միաբանները, տեսնելով, որ վանքն անհնար է վերականգնել, վերադառնում են Արցախ և Խամշի վանքի Ս. Գրիգոր Լուսավորիչ եկեղեցու օրինակով սկսում կառուցել Գանձասարի վանքը: Խամշի վանքն այլևս չի հիշատակվում աղբյուրներում, իսկ վանքն ավերակ վիճակում մնացել և հասել է մինչև մեր օրերը: Երբ մտովի փորձում ես փազլ հավաքել տարածքում գտնվող պատուհանների պսակների, քանդակազարդ քիվերի և այլ քանդակներով հարդարված հարյուրավոր բեկորներից, հասկանում ես, թե ինչ արժեքավոր կառույցի ավերակներում ես գտնվում, և մեծ ափսոսանք ես ապրում: Վանքում շրջելուց և մասունքները ուսումնասիրելուց հետո անտառի մի հարմար վայրում խաղեր խաղացինք, լիցքաթափվեցինք և գնացինք Սևանա լիճ: Անտառում խարույկի համար նախապես փայտ էինք հավաքել, որպեսզի Սևանի ափին խարույկ վառենք: Մինչ խարույկը կվառեինք, մի քանի համարձակներ ջուրը մտան: Սևանը պարզ-պարզ էր, հեռվում երևում էին Գեղամա լեռների հրաբխային կոնաձև գագաթները, ափին մի մասը տարված էր խարույկ վառելով, մյուսները՝ լճի մեջ քար նետելով և քարեր հավաքելով, մի խումբն էլ պարզապես վայելում էր լճի խաղաղ ծփանքը:

Load More Հետևեք մեզ Ինստագրամում

©4Peaks.am - Բոլոր իրավունքները պաշտպանված են։