Ինչ է անհրաժեշտ ունենալ արշավի ժամանակ
Շատ կարևոր է տեղեկանալ այն վայրի մասին, որտեղ գնում ենք, քանի որ այդ տեղեկությունների շնորհիվ է, որ մենք ճիշտ կազմակերպում ենք մեր ճամփորդությունը: Այս ամենն ավելի կարևոր է դառնում, երբ երեխաների արշավ ենք կազմակերպում։
Ըստ տեղանքի հեռավորության որոշում ենք, թե երբ շարժվել քաղաքից և որքան ժամանակ ունենք վերադարձի համար: Վերադարձը պետք է այնպես կազմակերպել, որպեսզի մեքենային հասնենք նախքան մթնելը, քանի որ մթության մեջ քալելը վտանգավոր է և ոչ նպատակահարմար: Մթության մեջ կենդանիների համեմատ մենք ավելի թույլ ենք, թեկուզ միայն տեսողության առումով: Մեկնելու ժամը պետք է լինի առավոտ շուտ` ամենաուշը 08:00: Այս կերպ մենք կխուսափենք արևի ճառագայթների տակ երկար մնալուց:
Տանը կամ ընկերներին պետք է հայտնել, թե ուր ենք գնում, ինչ խմբի հետ և երբ ենք պլանավորում մոտավոր վերադարձը: Այս տեղեկատվությունը կարևոր է նրանով, որ եթե մեզ ինչ որ բան պատահի, ինչի արդյունքում մենք չենք կարողանում կապ հաստատել, և երբ ասված ժամից ուշանանք, մեզ համար կանհանգստանան և կիմանան որտեղ փնտրել մեզ:
Շատ կարևոր է ունենալ հարմար կոշիկներ, քանի որ մեր գործունեությունը հիմնականում կապված է քայլելու հետ, դրանք պետք է լինեն հարմարավետ: Կարևոր և պարտադիր է ուսապարկի առկայությունը: Նախ` ուսապարկով քայլելն ավելի հարմարավետ է, քանի որ այն կայուն մնում է մեր մեջքի վրա, չի ճոճվում և մեզ չի հանի հավասարակշռությունից: Բացի այդ, շատ կարևոր է, որ քայլելիս մեր ձեռքերը ազատ լինեն /եթե արշավային փայտերով չենք քայլում/, քանի որ սայթակելու դեպքում կարող ենք ձեռքերով կանխել մեր անկումը: Ուսապարկը պաշտպանում է մեր մեջքը, ինչպես քամիներից, այնպես ապահովում է ողնաշարի անվտանգությունը անկման ժամանակ:
Ֆիզիկական պատրաստությունը շատ կարևոր է, ինչի արդյունքում անհրաժեշտ է կատարել վարժություններ, որոնք կբարձրացնեն մեր ֆիզիկական պատրաստության մակարդակը և կօգնեն մեզ միշտ պատրաստ լինել արշավներին:
- Արևային գլխարկ,
- Ականջները քամուց պաշտպանելու համար ոչ հաստ գլխարկ կամ ականջակալներ,
- Ակնոց,
- Արևապաշտպան կրեմ,
- Կիսաթև կամ բարակ երկարաթև շապիկ: Երկարաթև բարակ շապիկը պաշտպանում է արևից,
- Տաք բաճկոն հանգստի ժամանակ և գագթին հագնելու համար,
- Տաբատ: Շորտերը նույնպես ցանկալի չենք` արևից խուսափելու և խոտերի, փշերի ծակոցներից, միջատների և սողունների խայթոցներից խուսափելու համար,
- Արշավային կոշիկներ,
- Փոխարինող գուլպաներ,
- 1,5 լիտր ջուր,
- Սնունդ: Սնունդի հարցում պետք չէ ընկնել ծայրահեցությունների մեջ: Սնունդը պետք է լինի չափավոր և չփչացող,
- Արշավային ձեռնափայտեր,
- Ուսապարկ,
- Անձրևանոց.
- Դեղատուփ,
- աղբի համար տոպրակ:
Անհրաժեշտ գույքը ձմեռային մեկօրյա արշավների ժամանակ.
- Արևային գլխարկ,
- Ձմեռային գլխարկ,
- Ակնոց,
- Արևապաշտպան կրեմ,
- Ձեռնոցներ,
- Շարֆ կամ բանդանա,
- խիտ գործվածքով կամ ֆլիսե վերնահագուստ,
- քամուց պաշտպանող բաճկոն,
- փետուրե /կամ փոխարինող/ բաճկոն,
- Տաք աբատ: Տաբատի տակից հագնում ենք տաք հագուստ կամ թերմոհագուստ,
- Ձմեռային արշավային կոշիկներ,
- Փոխարինող գուլպաներ,
- 1,5 լիտր ջուր,
- Սնունդ: Սնունդի հարցում պետք չէ ընկնել ծայրահեցությունների մեջ: Սնունդը պետք է լինի չափավոր և չփչացող,
- Արշավային ձեռնափայտեր,
- Ուսապարկ,
- Անձրևանոց,
- Դեղատուփ,
- Աղբի տոպրակ:
Վերոնշվածը վերաբերում է տեխնիկապես բարդություն չներկայացնող և մեկօրյա արշավներին: