«4 ԳԱԳԱԹ լեռնային ակումբ»-ն իր գործունեությունը սկսել է 2016թ. փետրվարի 9-ից: Կազմակերպության նպատակն է պատանիների շրջանում նպաստել առողջ ապրելակերպի և ֆիզիկական ակտիվության զարգացմանը, բնության հանդեպ երեխաների մեջ հոգատար վերաբերմունքի և հայրենասիրություն ձևավորմանը։ Արշավների շնորհիվ ձեռք բերած հմտությունները կօգնեն երեխաներին կյանքի տարբեր ոլորտներում։Երեխաների հետ աշխատանքային թիմում ներգրավված են փորձառու և հատկապես մանկավարժական փորձ ունեցող հրահանգիչներ:Սույն հրապարակային համաձայնությունը հաստատվում է «4 ԳԱԳԱԹ լեռնային ակումբ»-ի և արշավին կամ լեռնային վերելքին մասնակցության հաստատում ներկայացրած փոքրահասակի/անչափահասի (այսուհետ՝ երեխա) օրինական ներկայացուցչի (ծնողների, որդեգրողների կամ խնամակալների) միջև:
Վարքագծի կանոններ.
Նախքան միջոցառման օրը օրինական ներկայացուցիչը պետք է արշավի ընթացքում վարքագծի կանոնների վերաբերյալ որոշակի տեղեկատվություն փոխանցի երեխային: Մասնավորապես.
- Հետևել ուղեկցորդի ցուցումներին,
- շարժվել խմբով՝ պահպանելով կարգապահությունը,
- պահպանել քայլելու և հանգստանալու ռեժիմը,
- անցումներ չկատարել վատ տեսանելիության ժամանակ,
- բնական արգելքները հաղթահարելիս հետևել ցուցումներին,
- հոգնածության կամ ինքնազգացողության վատացման դեպքում տեղեկացնել ուղեկցորդին,
- խուսափել անդնդախոր լանջերին և կախված քարերի վրա կանգնելուց,
- չլողալ գետերում և լճերում, չմտնել ջրվեժների տակ առանց ուղեկցորդի հետ քննարկելու (հնարավոր ռիսկերի վերաբերյալ տեղեկանալու նպատակով),
- չվազել թեք լանջերին, քարքարոտ, ձնածածկ կամ խոնավ մակերևույթներով, ձորերի, կիրճերի եզրերով,
- զերծ մնալ ցանկացած գործողություն կատարելուց, որը կարող է վնասել իր և մյուսների անվտանգությանը։
Կողմերի պարտավորությունները.
«4 ԳԱԳԱԹ լեռնային ակումբը»-ը պարտավորվում է՝
- կատարել տվյալ միջոցառման մեջ նշված բոլոր ծառայությունները,
- նախքան միջոցառման մեկնարկը տրամադրել մանրամասն տեղեկություն միջոցառման մասին,
- արշավի մեկնարկից առաջ երեխաներին բացատրել արշավի ընթացքում վարքագծի կանոնների պահպանման և դրանք չպահպանելու բացասական հետևանքների մասին
- ապահովել մասնակիցների անվտանգությունը:
Միջոցառման մասնակից երեխայի օրինական ներկայացուցիչը և երեխայի հետ արշավին մասնակցող մեծահասակը պարտավորվում է.
- միջոցառման վայր գալ սահմանված ժամին,
- ունենալ միջոցառման վերաբերյալ տեղեկատվության մեջ նշված անհրաժեշտ պարագաներ,
- պահպանել վերը թվարկված վարքագծի կանոնները,
- սահմանված ժամկետում կատարել վճարումը,
- միջոցառման նախորդ օրը մասնակցությունից հրաժարվելու դեպքում գումարը փոխանցել ամբողջությամբ:
Հաստատում եմ.
Հավաստիացնում եմ, որ պատշաճ կերպով ծանոթացել եմ լեռնային վերելքի կամ հետիոտն արշավի նկարագրին և անվտանգության կանոններին, տեղյակ եմ տարատեսակ՝ այդ թվում, կյանքի համար անհամատեղելի վնասվածքներ և/կամ խայթոցներ ստանալու մասին հնարավոր ռիսկերին, ինչպես նաև ստացել եմ իմ մոտ առաջացած բոլոր հարցերի ամփոփ պատասխանները:
Ես հստակ հասկանում եմ ինձ ներկայացված կանոնները և վերջիններիս հետևելու կարևորությունը, ինչպես նաև գիտակցում եմ, որ կանոնների անտեսումը կարող է հանգեցնել վնասվածքների, կոտրվածքների և դժբախտ պատահարների՝ երթուղու անցման ընթացքում:
Հաստատում եմ նաև իմ կողմից արշավների և լեռնագնացությունների մասնակցելու համար որևէ բժշկական հակացուցումների բացակայությունը: Երեխայի առողջական վիճակը (բնածին, ձեռք բերված, քրոնիկ, սուր հիվանդությունները և/կամ խանգարումները, ինչպես նաև նորմայից ցանկացած շեղումները) գնահատում եմ ինքնուրույն և/կամ իմ բժշկի խորհրդատվության հիման վրա, և ինքս եմ որոշում կայացնում առաջարկած երթուղիներով անցնելու մասին՝ հաշվի առնելով առողջական վիճակը:
Պատշաճ կերպով տեղեկացվել եմ, որ արշավի ուղեկցորդը/կազմակերպիչը որևէ պատասխանատվություն չի կրում առողջության և/կամ առողջական վիճակի վատթարացման համար, որոնք կառաջանան կանոններին և ցուցումներին չհետևելու արդյունքում:
Պատշաճ կերպով տեղեկացվել եմ, որ արշավների ընթացքում անձնական գույքի հնարավոր կորստի, վնասման և/կամ ամբողջական ոչնչացման համար կազմակերպիչը և անձնակազմը որևէ պատասխանատվություն չեն կրում: