«4 ԳԱԳԱԹ լեռնային ակումբ» լեռնագնացության զարգացման հասարակական կազմակերպությունն իր գործունեությունը սկսել է 2016թ. փետրվարի 9-ից: Կազմակերպության նպատակն է նպաստել Հայաստանի Հանրապետությունում երեխաների և պատանիների շրջանում լեռնագնացության, մագլցման և լեռնային զբոսաշրջության զարգացմանը, հանրամատչելի դարձնելուն և տարածելուն, ինչպես նաև բարձրացնել լեռնագնացության, մագլցման և լեռնային զբոսաշրջության ասպարեզում Հայաստանի Հանրապետության հեղինակությունը: Մեր նպատակն է նպաստել առողջ ապրելակերպի և ֆիզիկական ակտիվության զարգացմանը, բնության հանդեպ երեխաների մեջ հոգատար վերաբերմունքի, ինչպես նաև հայրենասիրության ձևավորմանը։ Մեզ մոտ ստացած գիտելիքները և դրանք գործնականում կիրառելու հմտությունները կօգնեն երեխաներին կյանքի տարբեր ոլորտներում։
Կազմակերպությունը տեսական և գործնական դասերի միջոցով 7-14 տարեկան երեխաներին սովորեցնում է հմտություններ, որոնք ուղղված են անվտանգության ապահովմանը, թիամային աշխատանքի կազմակերպմանը, լեռնային բնության ճանաչմանը, բնական արգելքների հաղթահարմանը, բարդ իրավիճակներում ճիշտ որոշումներ կայացնելուն, կողմնորաշմանը, մագլցման տեխնիկային տիրապետելուն, ֆիզիկական պատրաստվածությանը, առողջ ապրելակերպին, բնության պահպանությանը և այլն:
Լեռնագնացությամբ զբաղվելը նպաստում է կամային հատկանիշների, դիմացկունության և համբերատարության զարգացմանը, ինչն էլ իր հերթին օգնում է երեխաներին ապագայում հասնել իրենց նպատակներին, ինչպես ուսման, այնպես էլ աշխատանքային և այլ ոլորտներում:
Ակումբ հաճախող երեխաները վերելքներ են իրականացնում լեռներ, անցնում կիրճեր և անտառային արահետներ: Ժայռամագլցման մարզումները կազմակերպվում են ինչպես դահլիճային պատերի, այնպես էլ՝ ժայռերի վրա:
Երեխաների հետ աշխատանքային թիմում ներգրավված են լավագույն, փորձառու և հատկապես մանկավարժական փորձ ունեցող հրահանգիչներ:
Ակումբի անվանումը խորհրդանշում է Արագած լեռան չորս գագաթները: