Սառնորակ Գեղարոտի ջրվեժը
Արագածի լանջին՝ ծովի մակարդակից մոտ 3000 մետր բարձրության վրա՝ Քասաղ գետի Գեղարոտ վտակի վրա է այս հիասքանչ ջրվեժը: Գտնվում է Արագածոտնի մարզի Արագած գյուղից մոտ 12 կմ հեռավորության վրա, ջրագրական բնության հուշարձան է: Արագածի խառնարանով հոսող սառնորակ ջրերը գահավիժում են մոտ 17 մետր բարձրությունից: 22.07.201րթ. Գեղարոտի ջրվեժում էինք։ Լեռնային այս գեղեցկուհին շրջապատված է բարձր ժայռոտ լանջերով։ Չնայած քաղքում և ընդհանրապես Հայաստանում տիրող բարձր ջերմային ֆոնին, այստեղ դեռ ձյուն և սառցադաշտ կար: Երեխաների համար մեծ էր զարմանքը, որ հնարավոր է կանաչ բնության մեջ ձյուն տեսնել և ամառվա շոքին մրսել: Հենց սա էլ բնության հրաշքն է:
Գեղարոտն իր սառնությամբ այնպես է թարմացնում, որ քեզ նոր մարդ ես զգում՝ ջրվեժի տակ մտնելուց հետո այսպես բնորոշեց զգացողությունները Յանան։ Երբ որոշեցինք վերադառնալ, ամպերն արդեն բավականին ցած էին իջել և արագ էին շարժվում։ Արագածի ժայռոտ լանջերը մեկ ամպի տակ էին անցնում, մեկ բացվում։ Բավականին սառը ամառային օր ունեցանք, ինչը շա՜տ հաճելի էր, Երևանյան տապից հետո։
Ցանկանո՞ւմ եք միանալ մեզ
Մենք պարբերաբար կազմակերպում ենք արշավներ և ճամբարներ երեխաների համար։ Տեսեք առաջիկաները և միացեք մեզ։
Գալիք արշավներ և ճամբարներ →